Eraldo Çinari duket se është më pranë Partizanit, megjithëse Vllaznia dhe Shkëndija janë interesuar për shërbimet e tij.
“Panorama Sport” mëson se gjatë ditëve të fundit sulmuesi ka pasur një takim me drejtorin e përgjithshëm Olsi Rama, ku është diskutuar në lidhje me rikthimin te të kuqtë, ku shkodrani ka arritur kulmin e karrierës.
Ai është drejt ndarjes me skuadrën e Samsunsporit dhe në ditët në vijim mund të vendosë se me cilin klub do të vijojë karrierën.
Mesa duket në këtë transferim ka vendosur të angazhohet vetë drejtori i përgjithshëm, që ka një marrëdhënie të mirë me Çinarin, por edhe me Eneo Bitrin, i cili ka miqësi me të dy dhe ka qenë gjithashtu i pranishëm në këtë takim.
