Autoritetet e Guatemalës kanë sekuestruar ditën e djeshme 950 kg kokainë në një avion të vogël, gjatë një operacioni.
Gjatë operacionit, ushtarët e Guatemalës u përfshinë në një konflikt me “civilë të panjohur”, si rezultat i të cilit pesë prej tyre u plagosën. Në vend u gjetën dhe u konfiskuan tre varka, pesë pushkë dhe municione. Megjithatë, nuk u raportua për të arrestuar.
Sipas të dhënave të Ministrisë së Brendshme, në vitin 2021, agjencitë antidrogë në Guatemalë mundën të kapnin 11 tonë drogë, një sasi e reduktuar me gati 20% në krahasim me një vit më parë.
Kartelet ndërkombëtare përdorin Guatemalën dhe pjesën tjetër të Amerikës Qendrore, me ndihmën e banditëve vendas, si një qendër tranziti për të transportuar kokainën në veçanti në Meksikë dhe SHBA.
Sipas Uashingtonit, 90% e kokainës së importuar ilegalisht në territorin amerikan kalon përmes Meksikës dhe shteteve të Amerikës Qendrore me avionë, varka dhe nëndetëse të improvizuara.
