Papu Gomez është padyshim një nga personazhet më të veçantë të përfaqësueses së Argjentinës, por edhe panoramës së futbollit botëror. Mesfushori argjentinas, i cili njihet për humorin e tij, dje ka festuar në një mënyrë të pazakontë suksesin e Argjentinës në Kupën e Botës.
Në videot që janë bërë shumë popullore në rrjetet sociale, shfaqet Papu Gomez mbi autobusin që mbante kampionët e Botës, gjatë xhiros që bënë mes fansave të tyre që kishin pushtuar rrugët në Buenos Aires.
Pas një komunikimi me shokë të skuadrës, ai merr një tufë me para. Më pas, ua hedh kartëmonedhat tifozëve duke marrë duartrokitje si përgjigje nga këta te fundit, për të cilët sigurisht këto para mund të marrin një vlerë shumë më të lartë se vetëm ajo monetare.
