Ish-drejtori i Klubit Partizani, Isa Tare ka mbërritur në SPAK. Tare ka qenë përgjegjës i klubit në kohën kur u privatizua.
Privatizimi i klubit Partizani është një çështje e hapur për SPAK, pasi po kryhen hetime, ndërkohë që janë thirrur për t’u marrë në pyetje shumë zyrtarë. Më herët në SPAK për të dëshmuar në lidhje me këtë çështje është thirrur dhe ish-ministri i Mbrojtjes Fatmir Mediu.
Bëhet fjalë për një pronë me rreth 10.000 m2, në qendër të Tiranës në vitin 2008 e prapa që është privatizuar me një vlerë prej 100.000 dollarë, por është blerë më pak se vlera e një garsoniere të shitur në atë zonë.
