Është shoqëruar me debate të ashpra seanca e sotme plenare. Deputetët e PD janë përplasur mes njëri-tjetrit, si dhe me kryetaren e Kuvendit Lindita Nikollën.
Ka qenë deputeti Flamur Noka ai i cili i kërkoi “llogari” kryeparlamentares Lindita Nikolla se përse e ka nxjerrë nga grupi parlamentar, teksa e paralajmëroi se do të bënte një padi kundër saj.
Luan Baci ka publikuar edhe dokumentin, ku shihet se Enkelejd Alibeaj ka përjashtuar nga grupi Parlamentar i PD, 4 deputetë mbështetës të grupit të Sali Berishës, konkretisht: Flamur Nokën, Edomond Spahon, Alban Vokshin dhe Luan Baçin.
Në dokumentin e Alibeajt që i ka dorëzuar Lindita Nikollës thuhet se këta 4 deputetë janë përjashtuar pasi kanë organizuar, nxitur dhe ushtruar dhunë në selinë e PD-së më 8 janar. Noka duke bllokuar foltoren dhe duke akuzuar Lindita Nikollën, nuk kurseu akuzat ndaj Alibeajt, të cilin e konsideroi një vegël të Edi Ramës. Noka tha se përjashtimi i deputetëve është i paligjshëm duke e konsideruar Alibeajn si “tub oksigjeni për pushtetin e korruptuar të Edi Ramës”.
Më pas kryetarja e Kuvendit, Lindita Nikolla ka përjashtuar nga seanca plenare deputetin e Partisë Demokratike, Flamur Nokën me pretendimin se ka bllokuar foltoren e Kuvendit.
“Paçavurja e te vet emeruareve si drejtues te PD qe nuk kane asnje anetar me vete dhe ne bashkepunim me Ramen, duke perfituar privilegje, kerkojne te mbajne peng opoziten dhe te perjetsojne Ramen ne pushtet! Mandatet na i kane dhene demokratet dhe shqiptaret dhe askush nuk na i heq dot as Rama as pengjet e tij! Demokratet dhe shqiptaret jane te qarte tashme, dhe e dine mire se kush na ka shitur!” shkruan Baçi teksa publikon dokumentin.
