Ndoshta në gjyqin e fundit nazist për krimet e luftës, Irmgard Furchner mori pjesë në gjykatë për më shumë se një vit, ndërsa prokurorët përshkruanin rastin e tyre kundër saj.
Një ish-sekretare (97 vjeç) e komandantit SS të kampit të përqendrimit Stutthof të Gjermanisë naziste është shpallur fajtor si ndihmës në 10,505 vrasje.
Ndoshta në gjyqin e fundit nazist për krimet e luftës, Irmgard Furchner ndoqi procesin gjyqësor në Gjermani për më shumë se një vit, ndërsa prokurorët përshkruanin rastet nën hetim kundër saj.
Gjykatësi Dominik Gross dha vendimin të martën në mëngjes dhe gjykata shtetërore e Itzehoe i dha Furchner një dënim me kusht me dy vjet.
Ai tha se e pandehura u shpall fajtore për dhënien e ndihmës në vrasjen e 10,505 personave, së bashku me pesë raste të tentativës për vrasje në kampin e përqendrimit Stutthof në Poloninë e sotme.
Prokurorët thanë se ajo “ndihmoi dhe nxiti ata që ishin në krye të kampit në vrasjen sistematike të atyre që ishin burgosur atje midis qershorit 1943 dhe prillit 1945 në funksionin e saj si stenografe dhe daktilografiste në zyrën e komandantit të kampit“.
Furchner kryesisht refuzoi t’u përgjigjej pyetjeve gjatë gjyqit, por tha në deklaratën e saj përfundimtare se i vinte keq për atë që kishte ndodhur dhe i vinte keq që kishte qenë atje në atë kohë.
E ashtuquajtura “sekretarja e së keqes” ishte vetëm 18 vjeçe kur shkoi të punonte për komandantin e kampit Stutthof, ku vdiqën më shumë se 60,000 njerëz.
Ajo u dënua sipas ligjit për të miturit, për shkak të moshës së saj në kohën e krimeve.
Avokatët mbrojtës kishin kërkuar që ajo të lirohej, duke thënë se provat nuk kishin treguar se Furchner e dinte për vrasjet sistematike në kamp, që do të thotë se nuk kishte prova të qëllimit siç kërkohet për përgjegjësinë penale.
Duke folur pas vendimit, avokati mbrojtës Dr Wolf Molkentin tha për Sky Neës se do të shqyrtonin apelimin e vendimit “sepse ka disa çështje ligjore që nuk janë adresuar ende sot“.
“Ishte e pamundur të mos dihej se çfarë ndodhi“, tha i mbijetuari i Stutthof Manfred Goldberg për Sky News, duke kundërshtuar pretendimin e Furchner se ajo nuk ishte në dijeni të mizorive që po ndodhnin atje.
