Një aksident i rëndë ka ndodhur në Caselle Torinese, në provincën e Torinos. Mediat vendase raportojnë se një makinë me katër të rinj u përplas me një mur.
18 -vjeçari që drejtonte makinën, i identifikuar si Blend Halili, ndërroi jetë në vend. Ai ishte regjistruar në autoshkollë, por nuk kishte patentë.
Tre të tjerët, dy 18-vjeçarë dhe një 17-vjeçar u transportuan në spitalin Ciriè, ndërsa gjendja e tyre nuk është e rëndë.
Katër djemtë, të gjithë banues në komunën e Caselle Torinese, po ktheheshin në shtëpi pasi morën pjesë në një festë ditëlindjeje, raportojnë mediat italiane.
