Një ngjarje e cila mund të përfundonte në tragjedi është shmangur në Kosovë. Mediat vendase raportojnë se një person në Prishtinë ka njoftuar policinë se teksa ishte duke e parkuar makinën e tij, persona të panjohur kanë shtënë me armë zjarri, në drejtim të tij.
Policia raporton se përveç dëmeve materiale nuk ka të lënduar. Po ashtu të njëjtët raportojnë s në vendngjarje janë gjetur 8 gëzhoja.
“Ankuesi mashkull kosovar ka njoftuar se gjersa ka qenë duke parkuar veturën e tij, nga një veturë persona të panjohur kanë shtënë me armë zjarri në drejtim të tij. Përpos dëmeve materiale të lënduar nuk ka. Në vend ngjarje kanë dalë njësitet përkatëse ku janë gjetur dhe janë konfiskuar 8 gëzhoja. Rasti i dedikohet njësive përkatëse për hetime të mëtutjeshme”, njofton policia.
