Agjencia bërthamore e Ukrainës ka thënë se një “dron kamikaz” rus fluturoi mbi një pjesë të termocentralit bërthamor të Ukrainës Jugore pak pas mesnatës të së hënës.
Energoatom tha në Telegram: “Kjo është një shkelje absolutisht e papranueshme e sigurisë bërthamore dhe rrezatimit.”
Fabrika ndodhet në rajonin e Mykolaiv në jug të Ukrainës.
Forcat ruse aktualisht mbajnë të pushtuar një tjetër central bërthamor ukrainas, kompleksin Zaporizhzhia, më i madhi në Evropë, pranë vijës së frontit në rajonin jug-lindor.
Të dyja palët kanë akuzuar tjetrën për bombardimin e zonës Zaporizhzhia dhe Ukraina ka thënë se forcat ruse po i bëjnë presion stafit të saj ukrainas, duke përfshirë edhe dhunën, për të nënshkruar kontrata me një filial të agjencisë atomike të Rusisë.
Ndërkohë bisedimet janë duke vazhduar për të krijuar një zonë sigurie rreth uzinës. Nga ana tjetër, autoritetet vendase thënë se sistemi i mbrojtjes ajrore kishte shkatërruar rreth 15 dronë të drejtuar drejt kryeqytetit në sulmet e së hënës, ku sipas tyre ishte goditur infrastruktura kritike e vendit.
