Në kulmin e tensioneve në Veri të Kosovës, ku barrikadat e serbëve nuk kanë lëvizur nga vendi pavarësisht “betimit” të KFOR-it për t’i zhvendosur pas paktit me qeverinë Kurti, në Beograd, Aleksandër Vuçiç ka nisu festën me rastin e ditës së “Shën Nikollës”.
Dhe në gëzimin e tij përveç ministrit të Jashtëm dhe të besuarit të tij Ivica Daçiç i është bashkuar edhe ministri i Jashtëm i Greqisë, Nikos Dendias.
Vuçiç e ka pritur në një mënyrë krejt ndryshe Dendiasin, duke e ftuar për vizitë në shtëpinë e prindërve të tij, së bashku me Ivica Daçiçin.
“Në shtëpinë e prindërve të mi sot në Shën Nikollë prita Ministrin e Punëve të Jashtme të Greqisë, Nikos Dendias dhe Ivica Daçiçin. Faleminderit që nderuat shtëpinë e Vuçiçit! Rroftë miqësia serbo-greke!”, shkruan ai, ndërsa në fotot e postuara në Instagram shihet me tabaka në dorë, duke u shërbyer vetë miqve.
View this post on Instagram
