Të shtëna me armë zjarri janë dëgjuar mëngjesin e sotëm në rrugën “Bill Clinton” në qytetin e Pejsë ku sipas informacioneve paraprake në qendër të sulmit ka qenë një dyqan mishi.
Sipas zëdhënësit të policisë në Pejë, Fadil Gashi nga të shtënat nuk ka të lënduar por janë raportuar vetëm dëme materiale në dyqanin ku janë drejtuar plumbat.
“Sot rreth orës 07:24, policia është njoftuar se në rrugën “Bill Clinton” në Pejë, kishte pasur të shtëna me armë zjarri në mishtore në Pejë. Të lënduar nuk ka, vetëm dëme materiale”, tha Gashi.
Policia ndodhet në vendin e ngjarjes dhe është rrethuar me shirita vendi ku ka ndodhur incidenti ndërkohë që ende nuk raportohet për të arrestuar, teksa policia ka pranuar informatën për incidentin pas orës 7 të mëngjesit të sotëm.
