Një shqiptar me iniciale L.M., 53 vjeç, ka rënë në prangat e policisë së Maqedonisë së Veriut në stacionin policor të Dellçevës. Gjatë kontrollit të pasaportave është konstatuar se dokumenti i udhëtimit që ka paraqitur ishte i falsifikuar.
Gjithashtu, gjatë kontrollit në mjetin me të cilin transportohej, u gjet një kartë identiteti italiane e falsifikuar dhe një patentë shoferi italian në emër të tij, si dhe një kartë identiteti origjinale e një personi nga Italia.
Me të në komisariat është zhvilluar një bisedë zyrtare, gjatë së cilës ai ka pranuar se dokumentet ishin të falsifikuara dhe se i kishte marrë nga një person nga Shqipëria kundrejt një shume të caktuar parash.
