“Rusia po përgatitet për një luftë të gjatë në Ukrainë dhe aleatët e NATO-s duhet të vazhdojnë të dërgojnë armë në Kiev derisa Putin të kuptojë se ai nuk mund të fitojë në fushën e betejës”.
Kështu tha në një intervistë për France Press Sekretari i Përgjithshëm i NATO-s, Jens Stoltenberg.
Sipas Stoltenberg, me gjithë vargun e disfatave të shkaktuara nga forcat ukrainase ndaj rusëve dhe rimarrjen nga Kievi të disa territoreve që humbi në fillim të luftës, nuk ka indikacione se Putini ka hequr dorë nga qëllimi i tij për të kontrolluar Ukrainën.
“Ne nuk duhet të nënvlerësojmë Rusinë. Rusia po planifikon një luftë të gjatë. Ne shohim se ata po mobilizojnë më shumë forca, se janë të gatshëm të pësojnë gjithashtu shumë viktima”, tha ai.
