Deputeti i Partisë së Lirisë, Petrit Vasili ka reaguar pas raportimeve nga mediat malazeze, se kryeministri Rama është ndihmuar nga Rusia për nismën e “Ballkanit të Hapur”.
Vasili u shpreh në një studio televizive se ky ishte një skenar i mirëorganizuar prej kohësh dhe provoi më së miri se qëndrimi i Ramës në “Ballkanin e Hapur” është i lidhur me interesat serbo-ruse. Ai theksoi se urdhëroi të gjithë deputetët e rilindjes të votonin kundër sanksoveve ndaj Rusisë.
Vasili shtoi se ky veprim është kundër NATO-s dhe Bashkimit Europian.
“Ky denoncim që vjen nga Mali i Zi është shumë i rëndë. Provon më së miri që qëndrimet e Edi Ramës lidhur me Ballkanin e Hapur nuk kanë pasur të bëjnë thjeshtë me një nisëm midis disa vendeve të Ballkanit por ka qënë pjesë e një skenari serbo-rus të mirëogaizuar, të gatuar për një kohë të gjatë i cili do të ishte i gatshëm për t’u vënë në veprin në momente më të vështira kur Rusia të kishte problem. Verifikimi dhe prova politike e kësaj gjëje ka qenë kur në momentin e miratimit të rezolutës së mbështetjes së Ukrainës nga parlamenti i Shqipërisë, unë kam kërkuar më një amendament zyrtar në sallën e parlamentit daljen e daljen nga Ballkani i Hapur pasi Serbia refuzoi të pranonte sanksionet kunder Rusisë.
Të gjithë deputetët e rilindjes, të 74-ërt pa asnjë përjashtim votuan kundër në bllok me urdhër të Edi Ramës. Nuk kishte mundësi më të mirë për t’ju përgjigjur provokimit Serb që s’ju bashkua sanksioneve kundra Rusisë se sa daljen nga Ballkani i Hapur. Denoncimi është prova që Edi Rama është vendosur në krah të çdo lloj skenari dhe politike provokative serbo-ruse që është anti Bashkimit Europian dhe anti NATO-s. Fatkeqësi e shqiptarëve është një kryeministër i kapur peng i tyre, pjesë e skenarëve të tyre dhe interpretues.
Duke qënë së Shqipëria është pjesë e NATO-s dhe kandidat për në BE me negociata formalisht të hapura, vendosja e portit të Durrësit në funksion të interesave të Rusisë, pozita e Shqipërisa është më e rëndë si kurrë më parë e që mund të ekzistojë në arenën publike ndërkombëtare vetëm për faj të një njeriu dhe përgjegjësi që quhet Edi Rama“, tha Vasili për “Syri Tv”.
