4 të rinj nga Shqipëria janë arrestuar nga Policia spanjolle, pasi akuzohen se vepronin si grup kriminal në grabitjen e shtëpive. Madje, sipas mediave në vend, shqiptarët grabisnin shtëpitë edhe kur pronarët e tyre ishin brenda.
Është zbuluar se si në dy vitet e fundit ata kanë qëndruar në territorin kombëtar për periudha nga dy deri në tre muaj , duke u kthyer më vonë në Shqqipëri për të njëjtat periudha kohore, gjë që ka vështirësuar punën e policisë.
Kreu i grupit, për të krijuar infrastrukturën e nevojshme, kishte krijuar një rrjet bashkëpunëtorësh, si dhe kishte kryer studime të mëparshme për vendet ku grupi do të kryente grabitje. Siç shihet nga pamjet, ata janë kapur në shtëpinë ku qëndronin me ora, bizhuteri dhe para, por emrat nuk bëhen me dije.
Të arrestuarit, katër burra me origjinë shqiptare, janë nga mosha 24 deri në 45 vjeç, si autorë të dyshuar të 12 grabitjeve me forcë në shtëpi, të gjitha të banuara, të kryera në Boadilla del Monte, Villaviciosa de Odón dhe Venturada, ndërkohë përfshirja në pesëdhjetë ngjarje të tjera po hetohet.
Në kontrollin e kryer në shtëpinë në të cilën shqiptarët jetonin në San Sebastián de los Reyes, janë gjetur një numër i madh objektesh nga grabitjet, nga të cilat një pjesë e madhe janë njohur nga viktimat e grabitjeve. Gjithashtu, është kontrolluar dhe makina e përdorur për kryerjen e veprave penale, ku janë gjetur mjete të ndryshme hapjen e sistemit të kyçjes së shtëpive.
