Detaje të reja kanë dalë në dritë nga vrasja e 49-vjeçarit në Tiranë, Edmond Papa.
Burimet bëjnë me dije se Papa, biznesmen në fushën e turizmit, është vrarë pranë banesës së vëllait të tij, ndërsa mësohet se sot kishte mbërritur në Tiranë.
Viktima rezulton i dënuar më herët për drogë në Greqi, ku ka bërë dhe disa vite burg.
Ndërkohë, lidhur me ngjarjen, ka dy pista hetimesh, konflikte të mundshme në Greqi dhe konflikte për pronën.
Deri më tani dyshohet se viktima ka lidhje me personazhe të botës së krimit në Britaninë e Madhe, megjithatë do të mbetet për t’u zbuluar nga hetimet se cila ka qenë arsyeja e eliminimit të tij.
