Dy persona janë arrestuar dhe një i tretë është shpallur në kërkim nga policia e Tiranës që ka sekuestrua një sasi prej 2 kg e 30 gramë kokainë.
Nertil Dalipi, 37 vjeç dhe Izmir Bahiti 29 vjeç, të dy nga Elbasani, u arrestuan në kuadër të operacionit të koduat “Furnizuesit”, zhvilluar nga prokuroria dhe policia e Tiranës.
Bashkë me drogën, janë sekuestruar 5250 euro, 120.00 lekë të rinj, një automjet dhe 3 aparate celulare.
Aksioni
Policia njofton se aksioni erdhi “bazuar dhe në inteligjencën informative, pas një pune të mirëfilltë hetimore, nën drejtimin e Prokurorisë”.
Përvec dy të arrestuarve: Izmir Bahiti, 29 vjeç dhe Nertil Dalipi, 37 vjeç, të dy banues në Elbasan, në kërkim u shpall E.H., sipas bluve bashkëpunëtor i personave të vënë në pranga.
“Në rrugën ‘Mikel Maruli’, shërbimet e Policisë kanë lokalizuar automjetin me drejtues Nertil Dalipiin dhe pasagjer Izmir Bahin. Gjatë kontrollit të automjetit u gjetën 2 pako me lëndë të dyshuar narkotike kokainë, me peshë rreth 2 kg e 30 gramë, të cilat u sekuesteuan në cilësinë e provës materiale, së bashku me automjetin, 5250 euro, 120.00 lekë të rinj dhe 3 aparate celulare”, njofton policia.
Vijon puna për kapjen e shtetasit E.H., ndërsa materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale, shtuan të njëjtat burime.
