Një ngjarje tepër e rëndë ka ndodhur në Britaninë e Madhe, ku një 24-vjeçar shqiptar, i identifikuar si Mariglen Ruçi, ka ndërruar jetë në një shtëpi ku kultivohej kanabisi.
Sipas raportimeve në mediat lokale, i riu ka humbur jetën nga asfiksia, pasi “shtëpia e barit” të cilës i shërbente është shkrumbuar nga flakët.
I ndjeri është vëllai i mesfushorit të Bylisit, Flamur Ruçi. Ky i fundit ka bërë të ditur nëpërmjet një postimi në Instagram lajmin e hidhur të ndarjes nga jeta të Mariglenit.
“Vëllai im do më mungosh shumë! Gjithmonë do jesh në zemrën time gjysma ime“, shkruan Ruçi, i cili ka postuar dhe fotografi me vëllain.
Edhe klubi i Bylisit ka shprehur ngushëllimet nëpërmjet një postimi në faqen zyrtare në Facebook.
“Familja jonë e madhe i gjendet pranë në këto momente të vështira mesfushorit tonë Flamur Ruçi! Fatkeqësia e tij është edhe e jona, u prehtë në paqe vëllai jot“, shkruan FK Bylis.
Ndërkohë, mediat angleze skruajnë se ngjarja e rëndë ka ndodhur gjatë orëve të para të mëngjesit të 11 dhjetorit.
Shtëpia e barit ka marrë flakë, por ende nuk dihen shkaqet e ngjarjes së rëndë.
