Anëtar i Kryesisë në Partinë Demokratike, Genc Pollo ka hedhur akuza të forta për skemën “piramidale” të shitje të apartamenteve në Portin e Durrësit.
Gjatë një postimi në rrjetet sociale, Pollo në mënyrë urgjente i bën thirrje Prokurorisë që të nisë hetimin e të sekuestrojë dokumentacionin kompanisë Emarit në pronësi të Alabbar, pasi po shiten dyqane dhe apartamente në “ajër”. Pollo paralajmëron se kjo është një skemë e pastër mashtruimi ndërsa blersve do ngelen me letra në dorë dhe me dhjetëra e qindra euro të humbura.
Postimi i plotë nga Genc Pollo:
“Al Abari-Al Emari albanez po shet dyqane e apartamente në hava. A është kjo praktikë mashtruese? Me blerës që u ngelet në dorë letra pa vlerë dhe me dhjetëra a qindra euro të humbura?
A mos duhet që prokuroria të fillojë menjëherë hetimin e të sekuestrojë doukumentacionin e Al Abarit-Al Emarit albanez?
GP
Neni 146 i Kodit Penal:
Mashtrimi në kredi
Mashtrimi në dokumentet e paraqitura, duke përfituar padrejtësisht kredi duke regjistruar në mënyrë fiktive në hipotekë objekte që nuk ekzistojnë, ose tej vlerës së tyre reale, ose në pronësi të një tjetri, të bëra me qëllim për të mos kthyer më kredinë e marrë, dënohet me gjobë ose me burgim gjer në shtatë vjet -/- “
