Sapo është mbyllur pjesa e parë mes Francës dhe Marokut, teksa të dyja skuadrat kërkojnë kualifikimin në finalen e Kupës së Botës.
Më afër përmbushjes së objektivit është Franca, me djemtë e Deschamps që kryesojnë me rezultatin 1-0. Për kampionët në fuqi të Kupës së Botës, realizoi Theo Hernandez në minutën e 5-të.
Maroku po qarkullonte topin, por një moment humbën topin dhe kampionët nisën një kundërsulm, ku finalizoi mbrojtësi i Milanit.
Maroku provon të përgjigjet në minutën e 10-të me një rast tepër të rrezikshëm. Aksion i shkëlqyer individual i Ounahi i cili gjen hapësirën dhe gjuan nga rreth 25 metra, por Loris përgjigjet me një grushtim vendimtar duke ruajtur avantazhin.
“Gjelat” duke kërkuar golin e sigurisë rrisin presionin drejt portës së afrikanëve. Në minutën e 17-të rrezikojnë me Giroud, por goditja e sulmuesit ndalet nga shtylla e Bono. Pak minuta më pas, kampionët shfaqen sërish rrezikshëm këtë herë me Mbappe por sulmuesi I PSG-së gabon në finalizim.
Në minutën e 44-të Maroku kishte mundësinë e artë për të barazuar. El Jamik i afrohet një goli spektakolar me një roveshatë pas një goditje këndi, por Loris bën mrekullinë duke ndalur gjuajtjen e mbrojtësit, ndërsa më pas Bufal fluturon topin jashtë.
Statistikat:
