Kryeministri Edi Rama në prononcimin për gazetarët pas mbledhjes me drejtuesit politikë të qarqeve, ka “injoruar” gazetarët kur e kanë pyetur për kreun e ri të Prokurorisë së Posaçme kundër Korrupsionit dhe Krimit të Organizuar.
Rama iku dhe as nuk e dëgjoi pyetjen deri në fund, duku u shprehur se nuk i intereson fare.
PJESË NGA PRONONCIMI:
Gazetarët: Zoti Rama jemi në prag të zgjedhjeve për kreun e ri të SPAK…
Rama: Nuk më intereson fare!
Ndërkaq drejtimin e SPAK e ka ende Arben Kraja, i cili e përfundon mandatin në datën 19 dhjetor. Me përfundimin e madatit, Kraja mbetet prokuror i SPAK, pasi si prokuror mandati është 9 vite ndërsa si drejtues zgjidhet çdo 3 vite.
Kjo sepse drejtuesi i SPAK nuk ka të drejtë rizgjedhjeje, gëzon vetëm 1 mandat, edhe pse Kraja u mundua të ndryshonte këtë rregull. Me pretendimin se ishte drejtuesi i parë dhe nuk kishin pasur infrastrukturën e nevojshme për të punuar me kapacitet të plotë, Kraja kërkoi edhe 3 vite në detyrë, por kërkesa u rrëzua menjëherë.
