Kryeministri Edi Rama në një komunikim për mediat ka folur në lidhje me situatën e emigrantëve shqiptarë që ikin drejt Britanisë dhe marrëveshjes me kryeministrin Sunak në lidhje me këtë çështje.
“Kjo është një kërkesë e imja që në kohën kur Boris Johnson ka qenë ministër i jashtëm ose sekretar i punëve të jashtme dhe e kam përsëritur sepse sa herë kanë ardhur dhe kanë ndarë me ne këtë shqetësim kam qenë konsistent në të njëjtën gjë. Mos flisni për krim shqiptar sepse nuk ekziston. Nëse keni problem dhe doni ndihmën tonë ne jemi të gatshëm që të ngremë një skuadër speciale sic e kemi bërë me vendet e tjera, që të merret 24 orë në kohë reale për identifikimin dhe ndarjen e informacionit dhe vëzhgimin dhe ndalimin e atyre që organizojnë këto rrjete të trafikut të klandestinëve”, ka thënë Rama.
Rama vijon më tej duke thënë se kryeministri britanik ka shprehur konsideratat për bashkëpunimin dhe ecurinë e punës së përbashkët në arenën ndërkombëtare.
“Këtë herë kam pasur një bisedë goxha përmbajtësore me kryeministrin e fundit, dhe ai ka marrë përsipër që të thotë e bukur por ta shtyjë përpara. Kemi bërë një dakordësi që është shprehur në deklaratën që keni lexuar e rëndësishme është që më më ka shprehur keqardhjen në mënyrë paekuivod për cfarë ka ndodhur, për faktin që komuniteti shqiptar është zhvendosur në një dritë të gabuar. Më ka shprehur konsideratat për bashkëpunimin dhe ecurinë e punës së përbashkët në arenën ndërkombëtare dhe dëshirën që të takohemi shpejt dhe pastajk jemi ndalur tek kjo pesë që kam përsëritur të njëjtin princip. S’ka nevoje të ndani shqiptarët në askush tjetër, sjell vetëm vlerë të shtuar, ata elemente që janë elementë problematikë nuk përfaqsësojën komunitetin shqiptar. Janë jashtë nxjerrjet e një kombi si të cdo kombi dhe dy pika nëse shanset për të marrë azil në Gjermani, francë, Holandë janë zero, atëherë kërkojeni te vetja dhe te sistemi britanik por as te qeveria e shqipërisë dhe as te ata që nise për tek ju”, është shprehur Rama.
