Kreu i grupit parlamentar të Partisë Socialiste, Taulant Balla u është përgjigjur interesimit të gazetarëve në lidhjet me akuzave ndaj ish-zv/kryeministrit Arben Ahmetajt si i përfshirë në aferën e inceneratorëve.
Gjatë një deklarate për mediat nga Kryesia e Kuvendit, Balla “shiti” Ahmetajn për të cilin opozita ka hedhur akuza se është përfshirë në skemën e inceneratorëve. Sipas Ballës, drejtësia e re të jetë e lirë të hetojë ndaj ish-zyrtarëve të lartë të qeverisë.
Taulant Balla: “Kuvendi ka dhënë mendimin e vetë në Komisionin e Posaçëm. Qëndrimi i është dhënë SPAK. Nuk është imponuese por është një opinion. Media duhet të respektojë pavarësinë e prokurorisë. Drejtësia do ti shkojë deri në fund kësaj çështje. Çdo ndërhyrje nga ana jonë nuk i bën mirë pavarësisë. Mendoj që duhet të lemë drejtësinë të bëjë punën e vet. Është pushteti i medias nuk është i pakufizuar. Nuk komentojmë çështje që janë në hetim. Kur ngrihet një akuzë, çoja prokurorisë gjykatës që ta hetojnë. Ky duhet të jetë standardi”
Pyetja: Po në rastin tuaj po e lini drejtësinë të bëjë punën?
Taulant Balla: “Drejtësia të hetojë, standart më të mirë nuk ka”.
Gjatë një deklarate për mediat nga selia blu, Berisha tha se ish-ministri i Financave dhe njëherësh ish-zv/kryeministri Arben Ahmetaj është personi që përmes firmës së tij ka lejuar vjedhjet përmes djegësve. Gjithashtu Berisha tha se Klodian Zoto i ka paguar hotelet luksoze për Arben Ahmetajt me paratë e taksapaguesve shqiptarë.