Xhensila Myrtezj ka reaguar pas lajmeve se kënga e saj “Ale Ale” është e vjedhur nga këngëtarja serbe Maya Berovic.
Nëpërmjet një postimi në Instagram, Xhensila u shpreh se nuk ka asnjë të drejtë mbi autorësinë e këngës dhe se të ishte për të dhe thekson se një artist serb do të ishte i fundit në listë për t’ia dhënë një këngë apo prodhimin që e ka dashur shumë.
Deklarata e plotë:
“Kam pasur komente tè Shumta mbi kengen “Ale Ale” e Publikuar ne Version tè gjuhes Serbe nga nje tieter “Artiste”.
Dua te njoftoj publikun tim qe unè nuk kam asnje te drejte mbi autorsine e kenges, pervec shfrytezimit online te projektit te versionit tè publikuar nga ana ime! Kenga nuk èshtè shitur nga une dhe as nuk kam qene ne dijeni te ketij Fakti!
Ps: Nese do ishte per mua Serbia ose nje Artiste Serbe do ishte ne fund te listes pèr ti shitur njè kenge, ose prodhim timin qe e kam dashur kaq shume”.
Kujtojmë se kënga e artistes u publikua në prill të këtij viti ku u prit mjaft mirë nga publiku. Ajo numëron deri më tani mbi nëntë milionë klikime në ‘YouTube’.