Deputeti i PL-së, Petrit Vasili ka reaguar për situatën e krijuar në vend nga përmbytjet.
Fshatrat e Krujës ndodhen në pushtetin e ujit pas hapjes pa paralajmërim të portave të Bovillës. Vasili shkruan se kjo përmbytje që ka si autor Erion Veliajn dhe keqmenaxhimin që ai u ka bërë të gjitha resurseve të kryeqytetit, ka rrezikuar seriozisht jetën e banorëve të fshatrave të Krujës.
Ai shton se “Prefektura e Durresit thote se Lumi Ishëm në pjesën e fshatit Marqinë, Njësia Administrative Bubq, Bashkia Krujë si pasojë e prurjeve nga rreshjet ka dalë nga shtrati, pasi ka shkarkime nga Liqeni Bovillës”.
Postimi i plotë i Vasilit:
Permbyten fshatrat e Krujes se hap portat e Bovilles Veliaj ne Tirane!
Shkarkimet e Bovilles se Erion Veliajt permbytin fshatrat e Krujes, kjo eshte “ndihma”, qe Bashkia e Tiranes po jep per permbytjet.
Prefektura e Durresit thote se Lumi Ishëm në pjesën e fshatit Marqinë, Njësia Administrative Bubq, Bashkia Krujë si pasojë e prurjeve nga rreshjet ka dalë nga shtrati, pasi ka shkarkime nga Liqeni Bovillës.
Prefektura e Durresit e gjendur para ketij problemi kaq kritik kerkon qe se paku shkarkimet e Bovilles te jene te kontrolluara.
Ky Veliaj qe premtonte dikur se do ti lajmeronte qytetaret qe perpara per motin e keq tani nuk i njofton as kur hapin portat e Bovilles qe permbytin shtepi dhe qindra ha toke.
Hajde besoji keta po te duash!!
Me poshte keni edhe informacionin e Sektorit te Planifikimit, Përballimit të Emergjencave civile dhe Krizave te Prefektures Durres per situaten me te fundit te rreshjeve:
“PREFEKTI I QARKUT DURRËS
Sektori i Planifikimit, Përballimit të Emergjencave civile dhe Krizave
Nga komunikimi me strukturat përgjegjëse vendore, si dhe ato të gadishmërisë së përhershme, kanë vijuar rreshjet me intensitet deri mesatar;
Lumi Erzen në pjesën e fshatit Hardhishtë, Njësia Administrative Gjepalaj, Bashkia Shijak ka dalë nga shtrati si pasojë e prurjeve me intensitet gjatë natës. Nuk ka rrezik për banesa;
Lumi Ishëm në pjesën e fshatit Marqinë, Njësia Administrative Bubq, Bashkia Krujë si pasojë e prurjeve nga rreshjet ka dalë nga shtrati, pasi ka shkarkime nga Liqeni Bovillës;
Nuk ka problem me argjinaturat e ujëmbledhësve dhe rezervuarë;
Niveli në Hidrovorin e Porto Romanos është -80cm kurse në Hidrovin e Hamallajt -1m;
Ka prani uji por të gjitha akset rrugore janë të qarkullueshme normalisht;
Të gjitha strukturat gjatë gjithë natës kanë qenë në terren (pas edhe kërkesës së ditës së djeshme nga Prefekti) me të gjitha kapacitetet e tyre.
Prefekti kërkon nga ana e Agjencisë Kombëtare të Mbrojtjes Civile për një komunikim me administratorët e Liqenit të Bovillës për të pasur shkarkime të kontrolluar.
Institucioni i Prefektit është në monitorim çdo moment të situatës, bashkëpunim me të gjitha strukturat përgjegjëse vendore dhe të gadishmërisë së përhershme.“
