Eksperti i marrëdhënieve ndërkombëtare, Ledion Krisafi tha në emisionin Review në Euronews Albania se Greqia është më e interesuar për një marrëveshje deti me Shqipërinë.
Krisafi u shpreh se ka të paktën 2 arsye pse Greqisë i intereson një marrëveshje për detin me Shqipërinë, kërkimi i gazit në Jon dhe konflikti me Turqinë.
“Greqia ka dy arsye pse i intereson një marrëveshje për detin me Shqipërinë. E para Greqia ka plane për kërkimin e gazit në detin Jon dhe e dyta është konflikti me Turqinë, pasi një marrëveshje me ne mund t’i shërbejë si precedent për zgjidhje edhe me Turqinë. Greqia është më e interesuar për një marrëveshje”, tha Krisafi.
