Sot 32 vite më parë, më 11 dhjetor 1990, studentët dhe intelektualët shqiptarë do të vendosnin për të themeluar Partinë Demokratike, të parën lëvizje politike të pluralizmit, pas protestave të mëdha studentore, që sollën rrëzimin e diktaturës.
Kryetar i Komisionit Nismëtar të Partisë Demokratike u zgjodh studenti Azem Hajdari. Më vonë kryetar i Partisë Demokratike u zgjodh mjeku kardiolog Sali Berisha. Ajo ishte partia e parë opozitare pas lejimit të pluralizmit politik në Shqipëri.
Kreu i Partisë Demokratike, Sali Berisha ka uruar sot këtë ditë të rëndësishme.
‘Gëzuar ditëlindjen e Partisë Demokratike!
Gëzuar 32 vjetorin e themelimit të Partisë Demokratike njëherazi dhe pluralizmit politik në Shqipëri.’, shkruan kryedemokrati Sali Berisha në një postim në Facebook.
