Serbët lokalë në veri të Republikës së Kosovës raportohet se kanë vendosur disa tenda, në të cilat po qëndrojnë duke bllokuar rrugët.
Tendat janë ngritur në Rudarë në Zveçan, ndërkohë që kujtojmë se gjatë ditës së sotme grupet kriminale të nxitur dhe kontrolluar nga Beogradi, kanë vendosur barrikada dhe kanë bllokuar rrugët që çojnë në Jarinjë dhe Bërnjak.
Gjithashtu ditën e sotme janë regjistruar edhe disa shpërthime dhe përplasje me armë mes bandave serbe dhe Policisë së Kosovës.
Policia e Kosovës bëri me dije se disa policë të Kosovës janë sulmuar me armë zjarri në afërsi të Ujmanit dhe se janë kundërpërgjigjur në vetëmbrojtje.
Këto lëvizje të serbëve kanë ardhur pas arrestimit të ish-policit të Kosovës në Jarinje, Dejan Pantiç.
Më herët presidenti i Serbisë Aleksandër Vuçiç paralajmëroi se do t’i kërkonte KFOR-it për të dërguar trupa ushtarake sebe në veri të Kosovës.
