Gjithçka duket gati për të nisur “Big Brother Vip 2”. Ashtu si kemi ndjekur edhe nga rrjetet sociale, tashmë po punohet për detajet e fundit në shtëpinë, që pritet të shndërrohet ndër më të famshmet pas hyrjes së banorëve VIP.
Arbana Osmani ka zbuluar se edicioni i dytë i “Big Brother VIP” do të nisë së shpejti dhe se ndryshe nga viti i kaluar, këtë vit ka një konkurrencë të madhe për të qenë pjesë e “reality show”- t.
E si ndodh zakonisht, kanë nisur të përfliten emrat e parë që do të futen në lojë. Së funmi mësohet se një prej tyre është edhe Megi Pojani, e cila aktualisht është gjysmëfinaliste në “Dancing ëith the Stars”.
Megi ka marrë tashmë ftesën për t’u bërë pjesë e lojës 100-ditësh. Sakaq, një emër tjetër që mund t’i bashkohet BBV është Deborah Keçi.
Edhe ajo pas “Dancing” do të provojë emocionet e shtëpisë së famshme, ndërsa produksioni ka ftuar edhe 2 balerinë për t’iu bashkuar formatit, por ende nuk është konfirmuar prania e tyre në “Big Brother VIP 2”.
Një tjetër “yll” i ekranit që pritet të bëhet pjesë është Kejvina Kthella, me modelen që është shprehur se është e gatshme për këtë aventurë.
Ndërkohë, një emër tjetër i përfolur është edhe Kiara Tito, që pritet të jetë konkurrente e lojës.
Një emër jo shumë i njohur që është përfolur është edhe modelja Jori Delli, e cila jeton në Itali.
Madje duket se promovimi për Jorin ka nisur nga “Top Channel”, pasi së fundmi ka qenë e ftuar në “Top Arena”.
Jori është shoqe e ngushtë edhe me Beniada Nishanin, e cila është gjithashtu një modele e njohur në Itali, por ishte shumë pak e njohur në Shqipëri derisa hyri në “Big Brother Vip Albania”.
Ndërkohë, edhe Lei Kraja do t’i bashkohet lojës. Moderatorja sportive është ndër imazhet më të pëlqyera në ekran për sensualitetin e saj, por edhe për natyrën e drejtpërdrejtë. Ndaj me shumë interes po pritet edhe prania e saj në këtë format.
Referuar pritshmërive, personazhet e këtij viti ndoshta do të lënë në hije ata të vitit të kaluar, por kjo mbetet për t’u parë.
Një tjetër emër shumë i përfolur për t’u bërë pjesë e “Big Brother” ishte edhe Roza Lati.
Mirëpo, ka ardhur edhe reagimi i parë i moderatores. Roza Lati ka publikuar së fundmi një video në rrjetin e saj social në “TikTok”, ku zbulon se ajo nuk ka marrë asnjë ftesë nga produksioni i “Big Brother VIP” për të qenë pjesë e këtij “reality shoë”.
Më tej, ajo tha se nuk do të jetë pjesë e këtij programi, sepse kështu është puna, ndërsa falënderoi edhe Arbana Osmanin, duke mos dhënë asnjë detaj më tepër.
“Dua t’ju lajmëroj që nuk kam marrë ftesë, nuk jam në dijeni dhe nëse kanë shkruar portalet që i ka thënë ‘po’ spektaklit të madh, unë nuk di kur është spektakli i madh. Kaq kisha për të thënë. Nuk do jem pjesë e ‘Big Brother VIP 2’, sepse kështu është puna. Faleminderit shumë Arbana. Faleminderit”, ka thënë Roza Lati në videon e publikuar në “TikTok” pak orë më parë.
Por në fakt, Roza ka marrë ftesë për të dytin vit radhazi për t’u bërë pjesë e formatit. Por, e angazhuar me emisionin e saj, ajo ka thënë “jo” herën e parë.
Ndërkaq këtë vit, Roza Lati ndonëse u shpreh se nuk kishte marrë ftesë, pritet që të jetë prezente, ndoshta jo që në nisje të spektaklit, por pas disa javësh.
Ndërkaq, një tjetër personazh që pritet t’i bashkohet kastit është edhe Antonio Kodrinaj, aktori protagonist në filmin “Sofia”. Aktori prej vitesh jeton në SHBA dhe tashmë po korr sukses edhe në vendin tonë.
