Një shtetas nga Korça është proceduar në gjendje të lirë nga policia këtë të premte.
Uniformat blu njoftojnë se shtetasin V. N., duke drejtuar automjetin tip “Benz”, ka humbur kontrollin dhe për pasojë automjeti është përplasur me automjetin tip “Ford”.
“Specialistët e Trafikut Urban dhe Interurban të DVP Korçë referuan materialet në Prokurori dhe filloi procedimi në gjendje të lirë për shtetasin V. N., banues në Korçë. Ky shtetas, duke drejtuar automjetin tip “Benz”, në lagjen nr. 1, Pogradec, ka humbur kontrollin dhe për pasojë automjeti është përplasur me automjetin tip “Ford”, të parkuar në rrugë, duke i shkaktuar dëme materiale”, njofton policia.
Pas ndalimit, shtetasi V. N. nuk i është bindur urdhrit të punonjësve të Policisë Rrugore, për të kryer testin e alkoolit.
