Grusht Berishës, arrest me burg për Gerti Shehun |

Lexo edhe:

VOA/ Opozitarët rusë në mërgim, marshim kundër Putinit në Berlin

“Non grata” e Berishës, prova korruptive që bën Ramën “non grata”

Ka dalë para trupit gjykues Gerti Shehu, 31-vjeçari që goditi me grusht kreun e Partisë Demokratike, në bulevardin “Dëshmorët e Kombit” gjatë protestës së 6 dhjetorit.

Burimet paraprake raportojnë se avokatët e 31-vjeçarit kanë kërkuar masën e arrestit shtëpiak ose shtrim të detyrueshëm në spital për shkak të gjendjes fizike dhe mendore.

Ndërsa kërkesa është refuzuar nga gjykata, pasi kjo e fundit ka caktuar masën “arrest me burg”.

Gert Shehu akuzohet për goditje për shkak të detyrës dhe plagosje me dashje. Gjatë marrjes në pyetje në ambientet e Spitalit të Traumës, Shehu nuk ka shfaqur pendesë për goditjen ndaj Berishës.

Përveç ekspertizës së gjendjes mendore, prokuroria ka dorëzuar në laboratorin e policisë shkencore mostra për të parë nëse 31-vjeçari ishte nën efektin e lëndëve narkotike ditën që ndodhi edhe ngjarja.

Çfarë ndodhi në protestë?

Gerti Shehu, 31-vjeç sulmoi kreun e PD-së Sali Berisha, teksa ky i fundit ishte duke marshuar drejt bulevardit “Dëshmorët e Kombit” për të marrë pjesë në protestë. 31-vjeçari goditi me grusht në fytyrë Berishën duke e gjakosur. Ai u ndalua menjëherë nga truprojat e Berishës dhe ndërkohë u dhunua nga mbështetës dhe simpatizantë të PD-së. 31-vjeçari u shoqërua nga policia dhe mori mjekim në spitalin e Traumës, pasi kishte dëmtime në fytyrë dhe fraktura në hundë. Dyshohet se 31-vjeçari vuan nga probleme të shëndetit mendor, teksa sot Gjykata ka caktuar ndaj tij masën e sigurisë “arrest me burg”.