Policia e Beratit ka arrestuar një 61-vjeçar, pasi ka ushtruar dhunë fizike ndaj bashkëshortes së tij.
Uniformat blu bëjnë me dije se i arrestuari është identifikuar me inicialet S.B, banues në Poliçan.
Gjithashtu specialistët e Qarkullimit Rrugor në Berat arrestuan shtetasin H. K., 21 vjeç, banues në Berat. Ky shtetas, pasi ka parkuar automjetin, në lagjen “30 Vjetori”, në momentin që ka hapur derën ka aksidentuar shtetasin Q. S., i cili ishte duke lëvizur me biçikletë. Shtetasi Q. S. është dërguar në Spitalin e Traumës Tiranë, për ndihmë mjekësore më të specializuar.
Ndërkohë, u referuan materialet në Prokurori dhe nisi procedimi në gjendje të lirë për shtetasin L. Xh., 48 vjeç, banues në Dimal, pasi u kap nga shërbimet e Policisë, duke kryer punime ndërtimi, pa lejen e organeve kompetente.
