Botërori zhvilloi ditën e sotme dy sfidat e para të fazës çerekfinale. Në orën 16:00 u luajt sfida Kroaci-Brazil. Ballkanasit mposhtën me penallti latino-amerikanët duke u bërë ekipi i parë që u kualifikua për në gjysmëfinalen e Kupës së Botës.
Koha e rregullt u mbyll në barazim pa gola, ndërsa në fund të shtesës të parë, Brazili, ishte skuadra e parë që kaloi në avantazh me anë të Neymar (105’) duke krijuar iluzionin se ndeshja mori drejtim për 5 herë kampionët.
Por Djemtë e Dalic nuk u pajtuan me këtë rezultat ku Petkovic ngriu stadiumin në fund me golin e barazimit. 1-1 dhe të gjithë drejt 11-metërshave pasi ballkanasit bënë rezistencë mjaftueshëm për ta çuar ndeshjen në rrjedhën që dëshironin.
4-2 nga goditja e penalltive është rezultati final me Rodrygon dhe Marquinho që gabuan nga 11 metrat dhe Kroacia e Dalic në festë. Në Brazil “qajnë” kështu eliminimin e skuadrës së tyre pasi besimi ishte i madh te përfaqësuesja, pasi pritej rikthimi te trofeu pas 2 dekadash. Diçka e tillë nuk ndodhi dhe mediat braziliane kanë nxituar të bëjnë titujt përkatës. “Ëndrra për titullin e gjashtë është për vitin 2026”- shkruan gazeta braziliane O Globo.
Kroaci-Brazil | Golat dhe Penalltitë (VIDEO)
Për të kaluar te çerekfinalja e dytë, në orën 20:00 radhën për të zbritur në fushë e kishin Holanda dhe Argjentina, ku në fund latino-amerikanët triumfuan pas 11-metërshave duke krijuar çiftin e parë gjysmëfinal, teksa përballë do të kenë pikërisht Kroacinë.
Nje ndeshje e jashtëzakonshme dhe e pabesueshme ajo që e sotmja mes dy kombëtareve. Kur u duk se Argjentina mund ta fitonte në 90 minuta me dy golat e shënuar nga Molina dhe Messi, pikërisht Weghorst do të ndizej në fund dhe do të barazonte shifrat ne 2-2.
Por, nga pika e bardhë e penalltive, Emiliano Martinez, portieri i Argjentinës, ka qene i jashtëzakonshëm duke neutralizuar dy te tilla ndaj Van Dijk dhe Berghius. Për Argjentinën shënuan Messi, Paredes dhe Montiel, ndërsa për tulipanët shënuan si Koopmeiners dhe Ëeghorst. Por Enzo Fernandez rihap diskutimin dhe llogarite duke humbur penalltinë e tij dhe Luuk De Jong nuk gaboi. Por në fund Lautaro Martinez nuk ka falur dhe ka kualifikuar kombëtaren e tij!
Gjysmëfinalja Argjentinë-Kroaci, luhet të martën, 13 dhjetor ora 20:00.
Holandë-Argjentinë | Golat dhe penalltitë (VIDEO)
