Agresori i sulmit ndaj kryetarit të PD-së Sali Berisha në protestën e 6 dhjetorit, Gert Shehu rezulton i dënuar për dhunë nga Gjykata e Tiranës në vitin 2017.
Sipas raportimeve, 31-vjeçari Gerti Shehu është person i dënuar për dhunë me 200 mijë lekë të reja, vendim i dhënë nga togat e zeza 5 vite më parë, ndërsa arsyetimi i Gjykatës së Tiranës, thotë se, Shehu ka goditur me grushte dhe sende të forta rojen e një palestre në zonën e Liqenit Artificial në Tiranë duke i shkaktuar dëmtime të mëdha.
Ngjarja ka ndodhur në gusht 2017, kur Shehu ka shkuar në ambientet e palestrës ku punonte roje shtetasi Përparim V..
Debati, sipas dosjes hetimore, ka nisur për motive banale dhe kur roja i ka kërkuar të largohet pasi kishte marrë pa leje pultin e televizorit të palestrës, ndërkohë Gert Shehu e ka qëlluar me grushta dhe me një tullë në kokë duke i shkaktuar dëmtime të rënda.
Pas kallëzimit në komisariat, prokuroria ka kryer veprime hetimore të cilat kanë provuar se goditjet i kanë shkaktuar humbje të aftësisë në punë për mbi 9 ditë.
Organi i akuzës e klasifikoj veprën penale si plagosje e lehtë me dashje ndërsa gjykata e dënoi me gjobë.
