Këngëtarja serbe Maja Nikolic bëri një deklaratë të fortë disa ditë më parë teksa komentoi ndeshjen Serbi -Zvicrër, ku më shumë zë i dha gjestit të Xherdan Shaqirit.
“Për mua futbolli është një gjë e madhe. I përkrah dhe i dua aq shumë, saqë isha gati të këndoja për ta tre ditë sikur të arrinin ta mposhtnin Zvicrën. Ajo që njerëzit nuk e dinë është se Shaqiri më ka dërguar përshëndetje nga dhoma e zhveshjes ku kanë luajtur këngët e mia. U thash mos me pershendesni rastësisht, por asnjërit deri sa të na kërkoni falje publike, turp të keni, unë jam patriote, si mund të më përshëndesni?””, tha ajo atë ditë.
Megjithatë, pasi kjo deklaratë bëri bujë në media, ajo ka reaguar sërish duke thënë se deklarata e saj është nxjerrë nga konteksti.
“Ju lutem mos shkruani këto lajme të pavërteta. Mos më përfshini me njerëz të tillë. Unë nuk e njoh këtë njeri, ne kurrë nuk kemi pasur kontakte dhe nuk është e drejtë që të shkruhet për dikë që më ka telefonuar kur ne nuk jemi takuar kurrë. Mediat e kanë deformuar deklaratën time”, shkruan ajo.
