Sulmi nga 31-vjeçari Gert Shehu përkundrejt kryedemokratit Sali Berisha në nisje të protestës së opozitës, vijon të mbetet kryefjala e diskutimeve politike.
Referuar rastit, deputeti i Partisë Demokratike Belind Këlliçi, njëherësh kandidat i PD për Tiranës ka akuzuar sërish kryeministrin Edi Rama si organizator të sulmit.
Sipas Këlliçit, “të gjitha faktet të çojnë në një emër: Edi Rama”, i cili kërkonte të nxinte imazhin e opozitës në sytë e liderëve të BE-së.
Reagimi i Belind Këlliçit:
Nga të gjithë faktet që disponojmë dhe të gjitha burimet që përcjellin informacion në Partinë Demokratike, të shpien në një emër: Edi Rama!
Sulmi ndaj Sali Berishës është orkestruar me synimin për të shpërfytyruar opozitën në një kundër-reagim agresiv, për të gjeneruar dhunë në një protestë paqësore.
Opozita shqiptare dhe Sali Berisha nuk i shkuan pas fillit këtij skenari, duke i hequr Ramës mundësinë për të bërë kurban opozitën në sy të ndërkombëtarëve.
Opozita nuk bie knock out. Protestat do të vazhdojnë.
