Ka nisur Samiti i BE-së në Tiranë me pjesëmarrjen e liderëve europianë.
Marrëveshja e parë që është nënshkruar në samiti është ajo mes BE-së dhe Ballkanit për shërbimin roming, që parashikohet të nisë së zbatuari më 1 tetor të vitit 2023.
Përmes saj kërkohet zvogëlimi i këtyre tarifave në vitin 2023 mes vendeve të BE dhe Ballkanit Perëndimor, me synimin që ato të hiqen tërësisht.
“Nga tetori të gjitha vendet e Ballkanit Perëndimor do të kenë mundësi të trajtohen si të gjithë qytetarët europianë në zonën e Roaming që janë në marrëveshje. Kontribuon në digjitalizimin e BE-Ballkani Perëndimor, një akt konkret që nga tetori do të jetë e prekshme, do ketë reformime të herëpashershme. Të gjithë operatorët janë të përgatitur. Fillon me reduktim të tarifave dhe kalon me Free Roaming. Brenda 2024 do të jetë falas. Kemi mirëkuptuar disa nga operatorët dhe afatet janë të vështira për t’u dhënë nga politikëbërësit”, tha ministrja Balluku.
Në këtë samit, janë të pranishëm 27 liderë evropianë, shoqëruar nga delegacionet përkatëse.
Ndërkohë, krahas samitit sot në kryeqytet do të zhvillohet një protestë, e thirrur nga Partia Demokratike. Kreu i kësaj force politike, Sali Berisha ka thënë se protesta do të mbahet në orën 12:00 para Kryeministrisë.
