Deputetja e Partisë Demokratike, Ina Zhupa ka folur me tone të ashpra nga protesta që po mbahet sot në Bulevardin Dëshmorët e Kombit.
Gjatë fjalës së saj, Zhupa tha se kryeministri Rama e ka çuar vendin drejt korrupsionit dhe varfërisë, ndërsa theksoi se sot slogani i protestës së opozitës është “E duam Shqipërinë si gjithë Europa.”
Zhupa: “Një bastard politik. Grushti ishte ndaj nesh, ndaj lirisë, demokracisë. Ia garantojmë se përgjigjen do ta marrë mbrapsht 100 fish. Jemi këtu sot sepse jemi të qartë për demokracinë. Jemi këtu sepse në zërin tonë ne themi; ‘E duam Shqipërinë si gjithë Europa’. Vend të lirë, demokratik, me mirëqenie. Si mund t’i rikthehemi ne emigrimit me gomone. Duhet të jemi qytetarë europianë që shkojmë në Europë me dinjitet. BE ne e dimë se i ka thënë jo amnistisë fiskale. BE sot i thotë jo pasaportave të arta, ndërsa Rama i thotë të vijnë të gëzojnë në Shqipëri.”
