Kreu i Partisë Demokratike është goditur me grusht gjatë marshimit nga Gerti Shehu, i cili në këto momente është në spital pas kundërvënies që protestuesit i bën.
Për këtë incident ka reaguar dhe zëvendëskryeministrja Belinda Balluku.
Balluku tha se shpreson që Berisha të jetë mirë me shëndet dhe kjo ngjarje mos ketë pasur ndikim në protestë.
Ajo shtoi se kjo është një ditë e shënuar për Shqipërinë pasi liderët e BE-së janë në Tiranë dhe nuk mund të marrë hije nga asnjë ngjarje tjetër.
“Nuk e kam informacionin, kam qenë një një konferencë. Aktet e dhunës nuk janë të mira që të ndodhin. Shpresoj që zoti Berisha të jetë mirë me shëndet dhe mos ketë impaktuar protestën e opozitës. Kjo është një ditë e shënuar për Shqipërinë dhe nuk mund të marrë hije nga asnjë lloj ngjarje tjetër. Ky samit e ka ngritur Shqipërinë në një nivel tjetër”, është shprehur Balluku.
