Një 54 vjeçar është arrestuar nga policia këtë të Hënë në Përmet. Policia njofton se ka qenë një 36-vjeçare e cila e ka denoncuar duke thënë se ky shtetas e ka përndjekur dhe i ka dhunuar banesën.
“Specialistët e Seksionit për Hetimin e Krimeve të Komisariatit të Policisë Përmet arrestuan në flagrancë shtetasin Xh. M., 54 vjeç, banues në fshatin Katundisht, Përmet, pasi ka kallëzuar një 36-vjeçare, se ky shtetas e ka përndjekur dhe i ka dhunuar banesën. 54-vjeçari nuk i është bindur urdhrit të punonjësve të Policisë, për të ndaluar automjetin me të cilin tentoi t’u shmangej shërbimeve”, njofton policia.
Në vijim të veprimeve për këtë rast, ka rezultuar se shtetasi Xh. M. e drejtonte automjetin, në gjendje të dehur.
