E gjithë Tirana do të “blindohet” ditën e martë pasi në kryeqytetin shqiptar do të zbarkojnë liderët e Europës në kuadër të Samitit të Bashkimit Europian dhe Ballkanit Perëndimor.
Për shkak të protestës së thirrur nga opozita, Policia e Shtetit ka marrë masa të ashpra për të shmangur ndonjë incident të mundshëm në këtë Samit të BE. Gjithashtu për shkak se është në zonën e kuqe, Universiteti Politeknik ka njoftuar se 6 dhjetori është pushim.
“Për arsye të Samitit të BE-së dhe faktit që Universiteti Politeknik është në zonën e kuqe (komplet të bllokuar), gjë që përbën pamundësi fizike ardhje në UPT, dekanati i FTI-së ka vendosur për ta bërë Ditë Pushimi datën 06.12.2022, pra ditën e nesërme. Mësimi i ditës së nesërme mund të zëvendësohet të shtunën ose në një nga ditët e tjera në vazhdim për të cilën do të njoftoheni në një moment të dytë”, thuhet në njoftimin e Universiteti Politeknik.
