Olivier Giroud mbetet protagonist absolut te Franca. Goli i sotëm ndaj Polonisë nuk është i zakonshëm, por mjaft i veçantë. Giroud tashmë ka kaluar edhe Thierry Henry, duke u bërë golashënuesi më i mirë i francezëve në histori me 52 gola.
Kontributi i tij ka qenë i jashtëzakonshëm për Kombëtaren dhe i ka dhënë një dorë të madhe skuadrës për arritjen e objektivave. Edhe pse mosha (36 vjeç) nuk premton shumë, lojtari në fjalë si duket nuk do t’ia dijë dhe vazhdon të dhurojë përformanca të shkëlqyera.Prezenca e tij i jep forcë Francës dhe me siguri trajneri Didier Deschamps për këtë arsye e ka thirrur këtë herë në Përfaqësuese.
