Legjenda Pele thotë se ai është “i fortë me shumë shpresë” teksa po trajtohet në spitalin e Sao Paulos. Në një deklaratë të lëshuar të shtunën ai tha se mesazhet e mbështetjes, si dhe shikimi i Brazilit në Kupën e Botës i kishin dhënë atij “energji”.
Më herët spitali kishte thënë se ai ishte “ende në trajtim dhe mbetet stabil”. Reagimi i Pele, vjen pas një raporti në Brazil se ai po fillonte kujdesin në fund të jetës pasi nuk iu përgjigj mirëkimioterapisë.
“Miqtë e mi, dua t’i mbaj të gjithë të qetë dhe pozitivë. Jam i fortë, me shumë shpresë dhe e ndjek trajtimin si zakonisht, dua të falënderoj të gjithë ekipin mjekësor dhe infermieror për gjithë kujdesin që kam marrë.
“Unë kam shumë besim te Zoti dhe çdo mesazh dashurie që marr nga ju në të gjithë botën më mban plot energji. Dhe të shikoj Brazilin në Kupën e Botës gjithashtu! “Faleminderit shumë për gjithçka.”- tha ai në një deklaratë në Instagram.
82-vjeçari tre herë fituesi i Kupës së Botës ndodhet në spital që nga e marta dhe të enjten në mbrëmje ai tha se ishte në një “vizitë rutinë mujore”.
Atij iu hoq një tumor nga zorra e trashë në shtator 2021. Deklarata nga Spitali Israelita Albert Einstein të shtunën tha se Pele “kishte një përgjigje të mirë ndaj trajtimit për kujdesin e infeksioneve të frymëmarrjes”. Ai shtoi se ai po i nënshtrohej një “rivlerësimi të trajtimit të kimioterapisë”.
Sulmuesi legjendar u diagnostikua me një infeksion të frymëmarrjes dhe të premten spitali kishte thënë se ai ishte në një gjendje të qëndrueshme.
Të shtunën, deklarata e re tha se gjendja e tij nuk është përkeqësuar në 24 orët e fundit. Ndërkohë, mesazhe mbështetëse janë dërguar nga e gjithë bota.
