Një 34-vjeçar është arrestuar në flagrancë nga policia e Sarandës pasi u kap duke transportuar lëndë drusore në mënyrë të paligjshme dhe tentoi të korruptonte policët me 7000 lekë.
Ai akuzohet për veprat penale “Prerja e paligjshme e pyjeve” dhe “Korrupsioni aktiv i personave që ushtrojnë funksione publike”.
“Ky shtetas u kap në flagrancë nga shërbimet e Policisë, në lagjen nr.4, Sarandë, duke transportuar me mjetin tip “Ford”, 6 m3 dru zjarri, pa dokumentacionin përkatës. Për të shmangur shoqërimin në komisariat, ky shtetas ka tentuar të korruptojë punonjësit e Policisë, duke iu ofruar 7 000 lekë,” njoftoi policia.
Materialet i kaluan Prokurorisë pranë Gjykatës së Shkallës së Parë Sarandë, për veprime të mëtejshme.
