Një banesë është përfshirë nga flakët mëngjesin e sotëm në Elbasan në afërsi të zonës së Krastës.
Mediat bëjnë me dije se ngjarja ka ndodhur nga pakujdesia me mjetet e gatimit e cila është harruar e ndezur. Flakët kanë përfshirë kuzhinën, e cila është djegur plotësisht e disa pjesëve të tjera të ambientit.
Fatmirësisht nuk raportohet për persona të lënduar por vetëm për dëme materiale. Shërbimi i zjarrfikëses ka ndërhyrë duke shuar zjarrin.
