Drejtori i OSHEE-së në Lezhë, Edmir Përndreca është dhunuar mbrëmjen e djeshme (e Mërkurë) nga disa persona.
Sipas policisë, në aksin rrugor Shënkollë – Lezhë, një makinë që drejtohej nga drejtori i OSHEE-së, Edmir Përndreca është goditur nga pas nga një automjet tjetër. Pas goditjes, personat në bordin e dy makinave janë përfshirë në një konflikt, ndërsa Përndreca është dhunuar.
Përndreca ka marrë dëmtime fizike dhe po merr ndihmë mjekësore, ndërsa nga policia raportohet se është jashtë rrezikut për jetën. Megjithatë, mësohet se ai ka pësuar fraktura të shumta dhe ndodhet në spitalin e Traumës në Tiranë.
Edmir Përndreca ka dhënë dëshminë e tij para hetuesve. Ai ka deklaruar se e kanë ndjekur dhe pasi e kanë goditur me makinë ai ka zbritur. Në atë moment tre persona e kanë sulmuar me levë, por ai nuk ka mundur ti identifikojë.
“Më ndoqën më goditën me makinë sapo zbrita më gjuajtën me leva, ishin tre persona por nuk i identifikova dot,” tha ai.
