Një adoleshent është plagosur me armë zjarri në kryeqytet, njoftoi këtë të Enjte policia e Tiranës.
I lënduari, sipas bluve, dyshohet se ka qëlluar veten në këmbë aksidentalisht, me pistoletën e shokut.
Për ngjarjes, është arrestuar ky i fundit, nën akuzën e armbajtës pa leje.
“Specialistët për Hetimin e Krimeve të Komisariatit të Policisë Nr. 3 arrestuan shtetasin E. N., 18 vjeç, banues në Tiranë, pasi mbante në banesë një armë zjarri pistoletë, me të cilën është vetëplagosur aksidentalisht, në këmbë, shoku i tij 17 vjeç, i cili ndodhet jashtë rrezikut për jetën. Arma e zjarrit pistoletë u sekuestrua në cilësinë e provës materiale, së bashku me një sasi municioni luftarak”, njoftoi policia.
