Një lajm i bujshëm tronditi ekipin e Serbisë në Botërorin e Katarit, pasi u përfol se sulmuesi Dushan Vlahoviç ka marrëdhënie me gruan e shokut të skuadrës. Në media qarkulloi lajmi se ai kishte një lidhje me gruan e portierit të dytë të Serbisë, Predrag Rajkoviç.
Por ky informacion është mohuar nga gruaja e Rajkoviçit, Ana, e cila është shtatzënë. Ajo u shpreh në rrjetet sociale, se nuk kishte shkuar as në Katar për shkak të komplikacioneve të shtatzënisë.
“Njerëzit këtu i japin vetes kaq shumë të drejtë të përhapin gënjeshtra dhe dezinformata dhe të bëjnë argëtim me të gjithë! Ndërsa një grua në muajin e fundit të shtatzënisë është në spital dhe po bën një betejë serioze. Turp të keni! Më besoni, ne i kemi mbijetuar gjërave më të këqija. Faleminderit të gjithë gazetarëve që më mbështetën duke mos publikuar asgjë. Përgjigja nga luani i plagosur erdhi pak vonë sepse tufa ishte aty për ta mbrojtur atë”, u shpreh gruaja e portierit Rajkoviç.
Pas këtij skandali, edhe Dushan Vlahoviç reagoi në një konference për mediat.
“Më vjen shumë keq që e nis konferencën kështu, mendoj se nuk ka nevojë të them asgjë, por duhet të reagoj sepse bëhet fjalë për mua, nuk ka nevojë të komentoj ato gjëra që lexojmë të gjithë, marrëzi të rënda. Ja çfarë bëjnë njerëzit që janë të mërzitur dhe të kompleksuar. Të inatosur dhe të frustruar punojnë kundër interesave të kombëtarës. Jemi më të bashkuar se kurrë, atmosfëra është e mrekullueshme. Dua vetëm të mbroj integritetin e emrit tim dhe do mbroj veten ligjërisht nëse është e nevojshme. Nuk kam bërë kurrë publicitet, nuk është stili im, por tani duhet. Në vend që të na mbështesin, flasin për gjëra që nuk kanë lidhje. Unë nuk i fajësoj sepse janë njerëz me rezyme boshe. Ata janë të vegjël dhe do të qëndrojnë kështu. Fokusi është të premtent”, përfundoi Vlahoviç.
