Policia e Durrësit ka arrestuar pronarin e një lokali së bashku me bashkëpunëtorin e tij pasi janë kapur në flagrancë duke vendosur baste sportive.
Sipas njoftimit të policisë, u arrestuan shtetasi me iniciale A. I., 59 vjeç, banues në Durrës (pronari i lokalit), për veprat penale “Vënia në dispozicion e lokaleve për lojëra të palejuara” dhe “Organizimi i lotarive të palejuara”, kryer në bashkëpunim; dhe shtetasi A. C., 60 vjeç, banues në Durrës, për veprën penale “Organizimi i lotarive të palejuara”, kryer në bashkëpunim.
Gjithashtu uniformat blu kanë sekuestruar në cilësinë e provës materiale 1 laptop, 2 aparate celulare dhe një shumë parash e dyshuar e përfituar nga lotaritë e paligjshme. Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
