Maroku realizoi një mrekulli në grupin F të Kupës së Botës, duke “shembur” në tokë Belgjikën e yjeve me dy gola nga Sabiri në të ’73 dhe Aboukhlal në minutën e ’92.
Asisti i Hakim Ziyech ishte fantastik, me Marokun që merr kreun e grupit F me katër pike dhe ka të drejtë të ëndërrojë për kalimin e grupit.
Festa në tribuna dhe rrugët e Katarit është transferuar edhe në Bruksel aty ku jeton një komunitet i madhe emigrantësh nga Maroku, të cilët me falumjt dhe fanellat e kombëtares kanë dalë të festojnë fitoren.
Situata ka dalë nga kontrolli, me marokenët që “të dehur” nga suksesi kanë djegur mjetet elektrike, duke i vënë zjarrin edhe makinave teksa kanë përmbysur disa prej tyre.
Trazieat në rrugët e kryeqyteti belg shpërthyen menjëherë pas fishkëllimës finale të arbitrit, ndërsa policia u detyrua të përdortë autobote me ujë dhe gaz lotsjellës për të shpërndarë turmat e ekzaltuara.
Rreth 100 policë u përballën me kaosin e krijua në kryeqytet.
Pamjet tronditëse tregojnë zjarre në mes të rrugës dhe tifozë të tërbuar që thyejnë xhamat e një makine të kuqe.
Video të tjera treguan mbështetësit marokenë të veshur me flamuj teksa vraponin nëpër rrugë.
Kryetari i bashkisë së Brukselit Philippe Close dënoi dhunën dhe paralajmëroi njerëzit që të mos shkelnin në qendër të qytetit.
Ai tha se ka urdhëruar policët të bëjnë arrestime.
“I dënoj fuqishëm incidentet që ndodhën pasditen e sotme. Policia tashmë ka vepruar ashpër, prandaj i këshilloj mbështetësit të mos vijnë në qendër. Policia po bën gjithçka që mundet për të ruajtur rendin publik”, deklaroi ai.
